Халқ банки аёл раҳбар, ходимлари учун семинар-тренинг бўлиб ўтди

^{Фото: Халқ банки}

Бугун аёл фақат уй-рўзғор ёки фарзанд тарбияси билан чегараланиб қолмай, балки у жамиятнинг ҳар жабҳасида фаол, ташаббускор.

Хусусан, Халқ банки тизимида фолият юритаётган ходимларнинг 40%га яқинини аёллар ташкил этади. 

4-5-март кунлари банкнинг минтақавий марказларида аёллар ва оилавий тадбиркорликни қўллаб-қувватлаш йўналиши бўйича масъул ходимлар учун икки кунлик семинар-тренинг бўлиб ўтди. 

Тренингда экспертлар томонидан соҳавий ҳамда шахсий ривожланиш борасида, жумладан, микромолиявий хизматлар кўрсатиш, молиявий саводхонлик, аёлларда етакчилик қобилятини ривожлантириш каби мавзуларда маълумотлар берилди.

Интерактив тарзда ўтган семинар-тренинг иштирокчилар учун ҳам манфаатли ҳам ижобий таассуротларга тўла бўлди.