Фото: Миллий Гвардия матбуот хизмати
28 октябр куни соат 03:34 лар атрофида Тошкент вилояти Оҳангарон шаҳрида жойлашган “Туронбанк” АТБга қарашли хорижий валютани айирбошлашга мўлжалланган банкоматини ноъмалум шахс бузиб очишга ҳаракат қилган. Натижада мазкур банкоматга ўрнатилган қўриқлаш ускунаси томонидан зудлик билан "ташвиш хабари" Миллий гвардия қўриқлаш сафдорларига етиб борган ва тезкор гуруҳи ходимлари ушбу номаълум шахсни воқеа жойида — банкоматни махсус темир воситалар ёрдамида бузишга ҳаракат қилаётган пайтда қўлга олди.
Миллий Гвардия матбуот хизматининг маълум қилишича, ушбу шахс шаҳар ИИБга топширилиб, олиб борилган дастлабки суриштирув мобайнида, 24 ёшли фуқаро Қ.Ў эканлиги маълум бўлган.
Ҳозирда суриштирув ишлари давом этмоқда.
Ушбу ҳолат юзачидан "Туронбанк" АТБ муносабат билдирди ҳамда ушбу ҳаракатларни қаттиқ қоралашини маълум қилиб, фуқароларни шубҳали ҳолатлар тўғрисида милиция органларига хабар беришга чақирди.
Тасодифий хабарлар
Туронбанк банкоматини бузиб очишга ҳаракат қилингани борасида муносабат билдирди
Туронбанкда ёшлар билан учрашув бўлиб ўтди
Тошкентда "АТМ: Бизнес ва хавфсизлик" мавзусида семинар бўлиб ўтди — фотоҳисобот