Халқ банки япониялик эксперт билан ўқув-семинарлари ташкил этди

^{Фото: Халқ банки}

4-5-6-сентябрь кунлари Халқ банкининг Андижон, Наманган ва Фарғона вилоятлари минтақавий марказларида тадбиркорлар учун япониялик эксперт иштирокида ўқув-семинарлари бўлиб ўтди.

Семинарларда банк ва тадбиркор ўртасидаги ҳамкорликни мустаҳкамлаш, бир-бирини тушуниб, самарали фаолият олиб бориш учун хориж тажрибаси асосида зарур билим ва кўникмалар беришга аҳамият қаратилди.

Халқаро тажриба билан танишиш иштирокчиларга нафақат ўз соҳасида, балки, бизнес бошқарувининг турли жабҳаларида ҳам янги ёндашувларни ўрганиш имконини берди.