Ўзбекистон Марказий банки муомаладаги банк пластик карталари, терминаллар, банкомат ва инфокиосклар ҳамда 2021 йил 10 ойи давомида тўлов терминаллари орқали тушган тушумлар тўғрисида маълумотларни тақдим этди. Унга кўра, 2021 йилнинг 1 июль ҳолатида муомаладаги нақд пуллар миқдори 26 трлн. 25 млрд. сўмни ташкил қилмоқда. Нақд пулларнинг жами пул массаси (М2) даги улуши 22% ни ташкил этмоқда. Охирги 3 йилда муомаладаги нақд пулларнинг жами пул массасидаги улуши камайиб бориш тенденциясини тақдим этмоқда. Хусусан, 2019 йилнинг I ярим йиллигида бу кўрсаткич 29% ни, 2020 йилнинг мос даврида 28% ни ташкил этган. 2021 йилнинг январь-июнь ойларида муомаладаги нақд пуллар миқдори ўтган йилнинг шу даврига нисбатан 2,4 трлн. сўмга ёки 8,47% га камайган.
Шу билан бирга, 2021 йил январь-июнь ойларида банклар орқали нақд пул айланмаси ҳажми 231,9 трлн. сўмни ташкил этгани ҳолда, 2020 йилнинг мос даврига нисбатан 47 фоизга ошди.
Жумладан, банклар кассаларига нақд пул тушумлари 115,4 трлн. сўмни, ўз навбатида, чиқим қилинган нақд пуллар 116,5 трлн. сўмни ташкил этди.
2021 йил январь-июнь ойларида банк карталарига 126,9 трлн.сўмлик маблағлар келиб тушиб, ушбу даврда банк карталаридаги 42,1 трлн. сўмлик (33,2 фоиз) маблағлар аҳоли томонидан нақдлаштириб олинган.
Жорий йилнинг январь-июнь ойларида банк кассаларидан (шу жумладан, банкоматлардан) берилган нақд пуллар 2020 йил январь-июнь ойларига нисбатан 35,6 трлн. сўмга ошиши кузатилган бўлса, ушбу ўсишнинг асосий қисми банк карталаридан нақд пул ечиш ҳажми 15,8 трлн. сўмга ҳамда нақд чет эл валютасини сотиб олиш учун 11,3 трлн. сўм ошиши ҳисобига юзага келди.
Тасодифий хабарлар
Ҳудудларда мижозлар томонидан кредит маблағларини талон-торож қилиш ҳолатлари аниқланмоқда
Россиянинг тизимли банкларидан бири ВТБга сотилади
Бизнесни ривожлантириш банки ва KPMG ҳамкорликда банкнинг ривожланиш стратегиясини ишлаб чиқмоқда