Халқ банкида бек-офис амалиётларини марказлаштириш муваффақиятли якунланди

Эндиликда Халқ банкининг 263 та банк хизматлари марказларида бек-офис амалиётлари ягона операциялар марказида амалга оширилади. 

Бунинг натижасида: 

• бизнес жараёнлари оптималлашади;
• амалиётларни назорат қилиш ва рискларни бошқариш яхшиланади;
• мижозлар сўровларини қайта ишлаш тезлиги ошади;
• ресурсларни янада самарали тақсимлаш, улардан унумли фойдаланиш имкони яратилади.

Халқ банки буни мижозларга кўрсатилаётган хизматлар самарадорлигини ошириш, молиявий операциялар жараёнларини оптималлаштиришда муҳим қадам эканини айтди.