"APEX BANK" АЖ Кузатув кенгашининг 2 декабрдаги тегишли йиғилиш баённомасига кўра, Ольга Леонидовна Нуманова мазкур банк бошқаруви раисининг биринчи ўринбосари этиб тайинланди. Тайинлов Марказий банк билан келишилгандан сўнг, расман амалга ошган ҳисобланади. О.Нуманова шунингдек, банк бошқаруви аъзолигига ҳам қабул қилиниши белгиланган.

Ольга Нуманова 1974 йил туғилган, 1996 йилда Тошкент молия институти бакалавриат босқичини "Молия ва кредит" йўналиши бўйича, 2004 йилда Ўзбекистон Республикаси Банк-молия академиясини магистратура босқичини "Банк иши" йўналишини тамомлаган.

Банк соҳасидаги меҳнат фаолиятини 1996 йилда бошлаган. О.Нўманова 2018 йил июнь ойидан 2023 йил декабрь ойига қадар "InFinBank" АЖ бошқаруви раисининг биринчи ўринбосари, кейинчалик эса бошқарув раиси лавозимида ишлаган.

Жорий йил август ойида Президент Шавкат Мирзиёев тадбиркорлар куни муносабати билан бир гуруҳ тадбиркорларни мукофотлаган, хусусан, Ольга Нуманова "Шуҳрат" медали билан тақдирланган эди.

Маълумот учун - "APEX BANK" АЖ бошқарувига жорий йил май ойидан эътиборан Сергей Гимадиев раислик қилиб келмоқда. Ўтган ой Шерзод Маджитов раисга янги ўринбосар этиб тайинланган эди.

Эслатиб ўтамиз, "InFinBank" АЖ бошқаруви раисининг биринчи ўринбосари лавозимида ишлаб келган Бахтиёржон Джураев мазкур банк бошқаруви раиси этиб тайинланганди.