Бизнесни ривожлантириш банки бошқаруви раисига биринчи ўринбосар тайинланди

2022 йил ноябрь ойидан буён Ўзсаноатқурилишбанк бошқаруви раиси ўринбосари лавозимида ишлаб келган Шаҳзод Махматмуродович Юсупов Бизнесни ривожлантириш банки бошқаруви раисининг биринчи ўринбосари этиб тайинланди.

TBC ва payme янги ташкил қилинадиган TBC Digital компанияси остида бирлашади

Янги TBC Digital холдинг компанияси ТBС Bank Uzbekistan ва payme'нинг ягона эгаси бўлиши ҳақида қарор қилинди. Компаниянинг бош директори этиб Ника Курдиани тайинланди.

Олтин нархи рекорд даражада ошишда давом этди

Марказий банк томонидан сотувга чиқарилган олтин қуймаларнинг нархи ошишда давом этиб, янги рекорд қайд этди. Хусусан, 5 грамм олтин қуйма нархи 6,7 млн сўмдан ошди. МБ олтин қуймаларининг нархи ўтган бир йил ичида 40 фоиздан кўпроққа қимматлади.

Тадбиркорликни ривожлантириш компанияси Кузатув кенгаши таркиби янгиланди

"Тадбиркорликни ривожлантириш компанияси" АЖ Кузатув кенгаши аъзолари сони тўққиз нафарга етказилди. Кенгаш таркибидан Жамшид Қўчқоров, Илҳом Норқулов, Сахи Аннакличев, Мирзохид Убайдуллаев ҳамда тўрт нафар мустақил аъзолар жой олди.

Ўзбекистонда Европа инвестиция банкининг минтақавий офиси очилади

Самарқандда бўлиб ўтаётган саммит доирасида Ўзбекистонда Европа инвестиция банкининг минтақавий офисини таъсис этиш тўғрисида битим имзоланди. Банк капитал бозорларидан маблағ жалб қилиб, асосан иқлим, кичик ва ўрта бизнес ҳамда инфраструктурани ривожлантиришга оид лойиҳаларни молиялаштиради.

Тўлов тизимлари орқали пул ўтказмалари назорати кучайтирилади — бу нимани англатади?

Ижтимоий тармоқларда тўлов тизимлари орқали БҲМнинг 30 баравари (11,25 млн сўм)дан ортиқ миқдордаги пул ўтказмаларини амалга оширишда "назорат кучайтирилиши" ҳақида хабарлар тарқалди. Финтех-блогер Шухрат Курбанов қонунчиликка киритилаётган ўзгаришларни нотўғри талқин қилмасликка чақириб, "аслида, бу шунчаки техник жараён эканлиги ва амалиётларга умуман таъсир қилмаслигини" айтди.

Uzum Bank’да янги раҳбар тайинланди

Светлана Xe Uzum Bank бошқаруви раиси лавозимида ўз фаолиятини бошлади. Унинг номзоди Кузатув кенгаши томонидан тасдиқланиб, Марказий банк томонидан маъқулланган. Янги лавозимида Светлана жамоа билан биргаликда банкни истиқболли ривожлантириш, фойдаланувчилар ва бизнес учун инновацион финтех-маҳсулотларни яратиш, шунингдек, компаниянинг бозордаги мавқеини мустаҳкамлашга эътибор қаратади.

Микрокредитбанк Европа инвестиция банки билан қиймати 40 млн еврога тенг меморандум имзолади

“Микрокредитбанк” АТБ Ўзбекистондаги тижорат банклари орасида биринчилардан бўлиб Европа инвестиция банки билан қиймати 40 млн еврога тенг меморандум имзолади. Мазкур ҳамкорлик Микрокредитбанкни глобал инвесторлар учун янада жозибадор молиявий институтга айлантириши таъкидланди.

Оctobank "Барқарор" прогноз билан Moody's халқаро кредит рейтингига сазовор бўлди

Дунёдаги энг йирик рейтинг агентликларидан бири ҳисобланган Moody's "Оctobank" АЖга узоқ муддатли B3 даражали халқаро кредит рейтингини берди. Рейтинг бўйича прогноз — барқарор.

Bankers.uz Live каналида эълон қилинган янгиликлар:

• AloqaBank бош офисида иқтисодчи Беҳзод Ҳошимов билан "Ёшлар тадбиркорлиги ва стартаплар" мавзусида суҳбат бўлиб ўтди.
• Марказий банк тижорат банклари билан биргаликда "Молиявий саводхон маҳалла" лойиҳаси доирасида Тошкент шаҳридаги 100 дан ортиқ маҳалла кутубхоналарида маҳорат дарси ўтказиши маълум қилинди. Тренинг ўтказиладиган вақт банкларнинг телеграм каналлари ва маҳаллаларда эълон қилинади.
• Uzum Bank Комплаенс назорат департаменти директори Полванов Шавкат Тагаймуратович Uzum Bank Бошқаруви раиси маслаҳатчиси этиб тайинланди.
• Ипотека банк PCI DSS (Payment Card Industry Data Security Standard) сертификатини қўлга киритди.
• Aсакабанк ва Paynet компаниялари ўртасида стратегик ҳамкорликка қаратилган меморандум имзоланди.
• Агробанк 1 апрелдан бошлаб Ўзбекистондан Туркияга пул ўтказмалари (RIA ўтказмалар) комиссиясини 0,65 фоизга туширди. Минимал сумма 3 USD/EUR.
• 1 апрелдан Ориент Финанс Банкнинг Олмазор туманида янги офиси очилди. 
• Ўзмиллийбанк АЖ Навоий вилоят Бош бошқармаси Хитой Тикланиш ва Тараққиёт банки хорижий кредит линияси маблағлари ҳисобидан 60 та автобус харид қилинди.
• Yangi Bank умумий қиймати 272 млрд сўмлик 272 млн дона оддий акцияларни ёпиқ тарзда сотувга чиқаради.
• Халқ банкида чарм-поябзал ва мўйначилик соҳаларида фаолият юритаётган корхона раҳбарлари ва тадбиркорлар билан очиқ мулоқот ўтказилди.
• TBC Bank BlueOrchard бошқарувидаги фонддан қўшимча 20 млн АҚШ доллари миқдорида маблағ жалб қилди.
•  ”Туронбанк” АТБ Андижон БХМ ходимлари томонидан Балиқчи туманидаги 66 та маҳаллага 2000 дона лимон кўчати етказиб берилди.