Сергей Гимадиев ANORBANK'да иш бошлади

07.01.2026 10:25

736

Банк ва финтехнинг таниқли топ менежерларидан бири Сергей Гимадиев ўз фаолиятини ANORBANK Кузатув кенгаши раисининг катта маслаҳатчиси сифатида давом эттиради. Сергей 2020 йилларда Apelsin рақамли банкини қуришга бевосита раҳбарлик қилган, кейинчалик Азия Альянс банк ва Apex Bank'ларда раис лавозимларида ишлаган.

^{Фото: Сергей Гимадиевнинг шахсий архиви}

Сергей Абдулҳаевич Гимадиев ANORBANK Кузатув кенгаши раисининг катта маслаҳатчиси (Senior Advisor to the Supervisory Board Chairman) лавозимига тайинланди. Бу ҳақда у ўзининг LinkedIn саҳифасида маълум қилди.

С. Гимадиев банк ва финтех соҳаси бошқарувида катта тажрибага эга. У 2019-2021 йилларда "Капиталбанк" АТБ бошқаруви раиси ўринбосари бўлган ва Apelsin (ҳозирги Uzum Bank) рақамли банкини яратиш ҳамда ривожлантиришга бевосита раҳбарлик қилган. Кейинчалик, банк номи "Uzum Bank" АЖга ўзгаргандан сўнг ҳам, бир муддат мазкур банк бошқаруви раиси сифатида ишлаган.

Сергей 2023–2024 йилларда "Asia Alliance Bank" АТБ бошқаруви раиси сифатида фаолият юритган. У 2024 йил май ойида янги фаолият бошлаган банклардан бири - APEX BANK'га бошқарув раиси ўринбосари лавозимига ўтган, бир йилдан сўнг, 2025 йилнинг май ойида ушбу банк бошқарув раиси лавозимига тайинланган эди.

2025 йилнинг декабрь ойидан Сергей Гимадиев APEX BANK’даги фаолиятини якунлагани маълум бўлган эди.

Теглар:

#тайинлов#anorbank

Улашиш:

Янгиликларни Телеграм каналимизда кузатиб боринг