Octobank 2025 йилнинг биринчи ярмида асосий кўрсаткичларининг 1,5 — 2 баробар ва ундан юқори ўсишига эришди. Олти ой натижаларига кўра, банк активлари 4,98 трлн сўмни ташкил этиб, ўтган йилнинг шу даврига (2,74 трлн) нисбатан 81,7 фоизга ўсди. Мажбуриятлар 83,2 %га ошиб, 2,21 трлн сўмдан 4,05 трлн сўмга етди. Хусусий капитал 927,3 млрд сўмга етди, шу жумладан устав капитали — 500 млрд сўмгача ошди.

Octobank кредит портфели ҳажми 30,7 млрд сўмдан 392,8 млрд сўмга ўсди. Ярим йиллик соф фойда 162,3 млрд сўмни ташкил этди, бу эса ўтган йилнинг шу даврига нисбатан 226,5 % га кўпдир. Банкнинг мижозлар базаси 12,9 фоизга ошиб, 3,6 миллион кишини ташкил этди. Ходимлар штати шу даврда 62,7 % — 233 нафардан 379 нафаргача ошди.

Банк етакчи брендлар ва уларнинг ютуқларини эътироф этувчи “VIII Brand Awards International” мукофоти совриндори бўлди. Ўзбекистонда бу мукофот доирасида расман баҳоланган биринчи бренд Оcтобанк бўлди. Экспертлар бренд қийматини $30 млн деб баҳоладилар.

Шунингдек, йирик халқаро агентликлар - Moody's (B3, "барқарор" прогнози) ва S&P Global Ratings (B-, "барқарор" прогнози) дан иккита рейтинг олди. Moody's таҳлилчилари 2024 йил якунлари бўйича капитал ва рентабелликнинг юқори даражада эканлигини қайд этиб, келгуси 12–18 ой ичида кўрсаткичларнинг барқарор бўлишига ишонч билдиришди.

"Central Asia Expo E-commerce" форумида Octobank "2024 йилда Ўзбекистонда электрон тижорат соҳасида етакчи эквайер-банк" унвонига сазовор бўлди. Ундан ташқари банк, “JCDecaux” компаниясидан замонавий ечимларни тезкор жорий этиш ва ривожлантириш учун мукофотга эга бўлди.

Octobank Шанхайда ўтказилган “China International Financial Exhibition” кўргазмасида иштирок этди. У йирик халқаро молиявий кўргазмалардан бири ҳисобланиб, тадбир доирасида Octobank Бошқаруви раиси Искандар Турсунов CIPS тўлов тизими раҳбари Хуан Фу билан учрашди. Улар Марказий Осиё учун юандаги ҳисоб-китоблар истиқболларини муҳокама қилдилар ва кейинги учрашувни Ўзбекистонда ўтказишга келишиб олдилар. Синсзян ва Марказий Осиё мамлакатлари ўртасидаги молиявий ва ишбилармонлик ҳамкорлиги бўйича конференцияда маъруза қилинди. Унда банк номидан Octobank ғазначилик департаменти директори Сардор Шавкиев сўзга чиқди. У бизнес учун муҳим бўлган йўналишлар ҳақида сўзлаб берди: тўғридан-тўғри ҳисоб-китоблар, трансчегаравий ўтказмалар, экспорт ва импорт қилувчиларни қўллаб-қувватлаш. Шунингдек, хитойлик ҳамкор — XJ Банк билан учрашув ўтказиб, ҳамкорликни кенгайтиришга келишиб олинди.

Тошкентдаги PLUS -форумда Octobank фаол иштирок этди. Унда банкнинг янги лойиҳалари тақдим қилиниб, BS/2 халқаро финтех компанияси билан ҳамкорлик йўлга қўйилди - банкоматлар ва ўз-ўзига хизмат кўрсатиш нуқталари тармоғини ривожлантириш бўйича келишиб олинди.

Банк Ўзбекистондаги Америка савдо палатаси (American Chamber of Commerce in Uzbekistan) — мамлакатнинг халқаро бизнес ҳамжамиятига қўшилди. Ўзбекистондаги Америка савдо палатаси 25 мамлакатдан 500 дан ортиқ компанияларни бирлаштиради ва бизнес, инвесторлар ва регуляторларни бир-бири билан боғлайди. Бу халқаро корпорациялардан тортиб маҳаллий тадбиркорларгача бўлган бозорнинг бошқа иштирокчилари билан очиқ мулоқотга кириш имконини беради. IT Park ва Octobank ўртасида шартнома имзоланди ва резидентлар, биринчи навбатда, стартаплар ҳамда ўйин хизматлари учун тўлов инфратузилмаси очилди.

Бугунги кунда банклар фақатгина молиявий хизматларни тақдим қиладиган нуқталар эмас. Улар жамиятнинг бошқа йўналишларига, маънавий-маданий томонлама ҳам ўз таъсирларини ўтказмоқда. Хусусан, Octobank “Тошкент менежмент ва иқтисодиёт институти” ҳамда “British Management University” билан ҳамкорлик тўғрисида битимлар имзолади. Бу узоқ муддатли ва стратегик ҳамкорлик сари қўйилган қадам бўлиб, у банк соҳасида янги авлод мутахассисларини тарбиялашга ёрдам беради.

Octobankда 4 млн сўмдан 100 млн сўмгача бўлган микроқарзни ҳар қандай мақсадда маълумотномаларсиз ва кафилларсиз, шунингдек, кундалик эҳтиёжлар, таъмирлашдан тортиб шошилинч харидларгача олиш имконияти бор. Батафсил маълумотни эса Octobank расмий сайтида олиш ва ариза топшириш мумкин.

Ҳамкорлик асосида