"Poytaxt Bank" АЖ ягона акциядорининг жорий йил 8 сентябрдаги қарорига кўра, Дилшод Акмалевич Пўлатов банк бошқаруви раиси лавозимига тайинланди. Амалдаги тартибларга кўра, мазкур тайинлов Марказий банк билан келишилган.
Банк бошқаруви раиси вазифасини бажариб келган Аброр Тургунов бошқарув раиси ўринбосари в.б. сифатида фаолиятини давом эттиради.
Д.Пулатов 1979 йил туғилган. 2000 йил Тошкент молия институтини бакалавр босқичини, 2002 йил магистр босқичини тамомлаган.
Меҳнат фаолияти давомида 2000-2005 йилларда "Ипотека банк" АТИБ тизимида, 2005-2012 йилларда "Капиталбанк" АТБ тизимида, 2012 йилдан буён Равнақбанк (кейинчалик Octobank) тизимида фаолият юритган.
Эслатиб ўтамиз, ўтган йилнинг июнь ойида Бирлашган Араб Амирликларининг "Bond Investments limited LLC" компанияси Пойтахт банкни 10 млн АҚШ долларига сотиб олиш бўйича келишувга эришганди.
Сўнгги янгиликлар