Ўзмиллийбанк "Milliy Mikromoliya Tashkiloti" МЧЖни таъсис қилди. Бу ҳақда Ягона корпоратив ахборот порталида маълум қилинди.

^{Манба: stat.uz}

Компаниянинг устав фонди 2 млрд сўмни ташкил қилади. Компания раҳбари сифатида Нурбек Қурбонов кўрсатилган. Ўзмиллийбанкнинг маълум қилишича, мазкур компания микромолия фаолиятидан ташқари факторинг хизматларини ҳам мижозларга таклиф қилади.

Шунингдек, Ўзсаноатқурилишбанк ҳам ўзининг "SQB faktoring" ҳамда "SQB mikromoliyalashtirish tashkiloti" компанияларини таъсис қилди.

Микромолиялаш фаолияти Марказий банк томонидан лицензияланадиган фаолият ҳисобланади. Ҳозирги вақтда (1 ноябрь ҳолатига) Ўзбекистонда 99 та ташкилот амалда микромолиялаш билан шуғулланиш учун лицензия олган.

Бундан олдин Агробанк, Асакабанк, Бизнесни ривожлантириш банки ва Туронбанклар банк муассислигидаги микромолия ва факторинг хизматларини кўрсатувчи компанияларини очганди. Аввалроқ Халқ банки ва Алоқабанк шундай корхоналарни таъсис қилгани хабар берилганди.