Туронбанк “Turon faktoring” МЧЖ ва “Turon mikromoliya” МЧЖ корхоналарини ташкил қилди. Бу ҳақда Корпоратив ахборот ягона порталида эълон қилинди.

Шу билан бирга, Агробанк микромолия ва факторинг хизматларини кўрсатувчи "Miicrofinance Service" МЧЖ ҳамда "Factoring Service" МЧЖларни ташкил қилганини эълон қилди.

Бизнесни ривожлантириш банки томонидан "BRB Faktoring" компанияси ҳамда "Biznesni rivojlantirish" микромолия ташкилотларига асос солинди.

Шунингдек, Асакабанк ҳам микромолиялаш билан шуғулланишга ихтисослашган “Asaka Finance Garant Mikromoliya Tashkiloti” МЧЖни таъсис қилди. Бу ҳақда банк матбуот хизмати Bankers.uz'га маълум қилди. Банк факторинг хизматларини “Asaka-Trans-Leasing” МЧЖ орқали кўрсатишини маълум қилган. Мазкур компания 2006 йилда ташкил қилинган ва лизинг фаолияти билан шуғулланиб келмоқда.

2024 йилнинг февраль ойида бир нечта банк молиявий лизинг билан шуғулланувчи шўъба корхоналарни очгани ҳақида хабар берган эдик.

Эслатиб ўтамиз, аввалроқ Халқ банки 100 фоизлик улуш билан "Xalq Mikromoliya tashkiloti" ва "Xalq Faktoring" номли, Алоқабанк эса 100 фоизлик улуш билан "Aloqa Mikromoliya" ва "Aloqa Faktoring" номли, масъулияти чекланган жамият шаклидаги компанияларни очганди.