Капиталбанк норезидентлар учун ҳисоб очишга қўшимча текширувлар ва комиссия жорий қилмоқда

^{Фото: Қувонч Ғайратов / Bankers.uz}

"Капиталбанк" АТБ 18 октябрдан бошлаб чет эл фуқароларига ҳисоб очиш учун 3 миллион сўм миқдорида комиссия жорий қилмоқда. 

 Банк хабарида комиссия жорий қилиш сабаби сифатида янги мижозлар, шу жумладан норезидентлар сонининг ўсиши билан филиалларга юкланишлар ва ҳисоб очиш учун зарур бўлган текширувларга жалб қилинган ходимлар сони ортиб боришига олиб келаётгани кўрсатилган. 

Эслатиб ўтамиз, жорий йил 12 сентябрь куни Капиталбанк Ўзбекистон банклари орасида биринчилардан бўлиб, мамлакатга ташриф буюрган чет элликлар учун пластик карта ва ҳисоб рақам очиш шартларини кучайтирганди.