Капиталбанк норезидентлар учун ҳисоб рақам очиш шартларини кучайтирмоқда

"Капиталбанк" АТБ нақд пул оқимлари ва амалиётлари шаффофлигини таъминлаш мақсадида комплаенс назоратини кучайтирмоқда.

Банк хабарига кўра, 12 сентябрдан бошлаб Ўзбекистон Республикасининг норезидент жисмоний шахслари банкларда ҳисоб рақамларини фақат қуйидаги ҳолларда очишлари мумкин бўлади:

• банкка мурожаат кунидан олдин, 15 (ўн беш) календарь кундан зиёд узлуксиз Ўзбекистон Республикаси ҳудудида бўлганда;
• Ўзбекистон Республикаси таълим муассасаларида малака ошираётганда ва талаба мақомини тасдиқловчи ҳужжатларга эга бўлганда;
• Ўзбекистон Республикасида расмий ишга жойлашганда.

Ўзбекистон фуқаролари учун банк ҳисобварақлари ва омонатларини очиш шартлари ўзгаришсиз қолмоқда.