"ANOR BANK" АЖ Кузатув кенгашининг жорий йил 20 июлдаги қарорига кўра, Акмал Акрамович Бакиев банк бошқаруви раиси ўринбосари этиб тайинланди. Амалдаги тартибларга кўра, мазкур тайинлов Марказий банк билан келишилгандан сўнг расман кучга киради.

А.Бакиев 2026 йил март ойидан буён банкда бошқарувчи директор, бошқарув аъзоси сифатида фаолият олиб бораётган эди.

Акмал Бакиев 2002 йил Тошкент Молия институтини "Банк иши" йўналишини, 2009 йилда Италиянинг Ка-Фоскари (Венеция) университетида "Банк иши ва тадбиркорлик" бўйича магистрлик дастурини тамомлаган. Банк-молия соҳасида 20 йилдан ортиқ тажрибага эга мутахассис саналади. У фаолиятини 2004 йил январда собиқ "Уйжойжамғармабанк" (ҳозирги Ипотека-банк)нинг Иқтисодий таҳлил департаментида бошлаган. 2004-2008 йилларда мазкур банкнинг Ғазначилик департаментида депозит операциялари ва дилинг бўлинмасида ишлаган.

2009 йил май–сентябрь ойларида “UniCredit” компаниясида фаолият юритган. 2009 йил октябрда KDB Bank Uzbekistan Ғазначилик департаменти бошлиғи ўринбосари, 2010 йил майдан 2012 йил мартгача эса департамент директори лавозимида фаолият юритган.

Акмал Бакиев 2022 йил бошидан Ипак Йўли банкига ишга ўтган ва 2025 йил апрелига қадар ушбу банкда турли лавозимларда, шу жумладан департамент раҳбари лавозимида фаолият юритган. ANORBANK’даги меҳнат фаолиятини 2025 йил майда бошқарув раиси маслаҳатчиси сифатида бошлаган. 2025 йил июнь–декабрь ойларида банкда Таваккалчиликларни бошқариш департаменти директори ва рисклар бўйича директор (CRO), 2026 йил январдан эса бошқарувчи директор ва бошқарув аъзоси бўлиб ишлаган.

Эслатиб ўтамиз, жорий йил март ойидан буён ANORBANK'да бошқарув раиси ўринбосари лавозимида ишлаб келган Малик Авазов Микрокредитбанк бошқаруви раиси этиб тайинланган эди.