Ipoteka bank OTP Group Бошқарув раиси Сандро Ртвеладзе EUROUZ ташаббуси билан ўтказилган Uzbekistan Economic Update 2026 форумида чиқиш қилиб, мамлакат иқтисодий тараққиётининг истиқболлари жуда кенг эканини эътироф этди.

“Ўзбекистоннинг келажаги ниҳоятда порлоқ. Мамлакатда амалга оширилаётган иқтисодий ислоҳотлар ҳамда хорижий инвесторларнинг фаол иштироки ушбу жараённи янада кучайтирмоқда,” - деди Сандро Ртвеладзе.

Панель муҳокамаси давомида CEO OTP Group Марказий ва Шарқий Европадаги йирик банк гуруҳларидан бири экани ва Ўзбекистон бозорида биринчи европа банки сифатида фаолият юритаётганини таъкидлади. Шунингдек, у компаниянинг мамлакатдаги фаолияти кенгайиб бораётганини, бунинг амалий мисоли сифатида қишлоқ хўжалигини ривожлантиришга қаратилган "Яшил Ферма" лойиҳасини тилга олди.

“Ўзбекистон иқтисодиётининг жадал ривожланиши ва давом этаётган ислоҳотлар мамлакатда инвестицияларни янада кенгайтириш учун катта имкониятлар яратмоқда”, деди Ipoteka Bank OTP Group CЕОси.

Аввалроқ Ipoteka bank OTP Group 2025 йил якунлари бўйича молиявий ҳисоботини эълон қилган эди. Натижалар банкнинг барқарор ўсишга эришганини ва бизнес трансформацияси самарали амалга оширилганини кўрсатди. Ҳисоботга кўра, банкнинг соф фойдаси 1,763 триллион сўм, капитал рентабеллиги (ROE) эса 22,4% ни ташкил этди.

Facebook - ipotekabankofficial 

Instagram - ipotekabank.uz

LinkedIn - ipotekabankofficial

Telegram - ipotekabankofficial

YouTube - ipotekabankofficial

Ҳамкорлик асосида