"Hayot Bank" АЖ устав капиталини яна 100 млрд сўмга оширмоқда. Тегишли қарор 2026 йил 16 феврал куни банк акциядорлари умумий йиғилишида қабул қилинган.

Акцияларнинг ушбу чиқарилиши 27 феврал куни давлат томонидан рўйхатга олинган.

Банк номинал қиймати 1000 сўм бўлган 100 млн дона оддий акция чиқаради ва ёпиқ обуна йўли билан жойлаштирилади. Ушбу ўзгаришдан кейин Hayot Bank устав капитали 650 млрд сўмга етказилади.

Аввалроқ, 2025 йил октябрь ойида Hayot Bank устав капиталини 50 млрд сўмга ошириб, 550 млрд сўмга етказган эди.

2025 йилда Hayot Bank 41,2 млрд сўм соф фойда олган.

Эслатиб ўтамиз, банкнинг ягона акциядори Ботир Икромжонович Рахимов ҳисобланади.