Оператив маълумотларга кўра, 2025 йил якунида Ўзбекистонда фаолият юритган 35 та банкнинг жами кредит портфели 604,0 трлн сўмни ташкил қилган. Бу йил бошига нисбатан 70,88 трлн сўмга ёки 13 фоизга ўсишни кўрсатади.Кредит портфелининг 367,2 трлн сўми (ёки 60,8 %) миллий валютада, 236,8 трлн сўми (ёки 39,2 %) хорижий валютада.

Банк тизимидаги кредит портфелининг 77 фоизи 10 банкда концентрациялашган бўлиб, улардан еттитаси давлат банки ҳисобланади. 2025 йилда Агробанк (81,12 трлн сўм) кредит портфели бўйича Ўзсаноатқурилишбанкни (64,94 трлн сўм) қувиб ўтиб, иккинчи ўринга кўтарилди. Топ-10'ликда Капиталбанк (36,31 трлн сўм) Ипотека-банк (35,44 трлн сўм) ўрни алмашганини ҳисобга олмаганда, 2024 йилга нисбатан Топ-10'ликда ўзгариш бўлмаган.

Миқдорий жиҳатдан Агробанк (+21,67 трлн сўм), Алоқабанк (+5,87 трлн сўм), Hamkorbank (+4,79 трлн сўм), Капиталбанк (+4,72 трлн сўм) ва Халқ банкида (+3,98 трлн сўм) кредит қўйилмалари нисбатан кўпроқ ўсган. Ўсиш суръати жиҳатдан эса Apexbank (6,7 баравар), Openbank (5,1 баравар), Hayotbank (4 баравар), AVO bank (3,1 баравар) ҳамда Octobank (2,6 баравар) энг юқори кўрсаткичга эришганлар.

Бешта банкда кредит портфели ҳажми қисқарган: Ўзмиллийбанк (-2,6 трлн сўм ёки -2%), Ўзсаноатқурилишбанк (-563 млрд сўм ёки -1%), Uzumbank (-31 млрд сўм ёки -24%), Пойтахт банк (-19 млрд сўм ёки -6%), Содерот банк (-11 млрд сўм ёки -50%).

Агробанк (60,2 трлн сўм, +18,9 трлн сўм), Ўзмиллийбанк (40,3 трлн сўм, +1,6 трлн сўм), Ипотека-банк (29,8 трлн сўм, +2,0 трлн сўм), Халқ банки (29,3 трлн сўм, +3,1 трлн сўм), Ўзсаноатқурилишбанк (25,9 трлн сўм, +1,4 трлн сўм) миллий валютадаги кредит портфели ҳажми бўйича энг йирик банклар ҳисобланади.

Хорижий валютада кредит портфели ҳажми бўйича йирик банклар: Ўзмиллийбанк (65,1 трлн сўм), Ўзсаноатқурилишбанк (39,0 трлн сўм), Асакабанк (24,5 трлн сўм), Агробанк (20,9 трлн сўм), Капиталбанк (14,9 трлн сўм).

^{Инфографика: Bankers.uz}

2024 йилда Ўзбекистон банкларининг кредит портфели қандай ўзгаргани ҳақида бу ерда ўқишингиз мумкин.