Бугун, 28 август куни соат 13:20 дан бошлаб Ўзбекистонда UZCARD тўлов тизимида вақтинчалик носозликлар қайд этилди. Хусусан тармоқ фойдаланувчилари мобил иловаларда, шунингдек жойлардаги тўлов терминалларида мазкур карталар билан амалиёт бажариб бўлмаганини ёзишди.

"Ягона умумреспублика процессинг маркази" АЖ мазкур ҳолатг изоҳ бериб, ҳозирда тизимда режадан ташқари профилактика ишлари олиб борилаётганини билдирди.

Компаниянинг билдиришича, профилактика натижасида банкоматлар (АТМ), E-POS ва POS терминаллари, халқаро банк карталари, чет элда кобейджинг карталари ишида вақтинчалик узилишлар кузатилиши мумкин.

Бундан ташқари, UZCARD'нинг расмий сайтида ҳам вақтинчалик носозликлар кузатилмоқда.

^{Фото: Spot.uz}

“Келтирилган ноқулайликлар учун узр сўраймиз. Мутахассисларимиз носозликларни тезроқ бартараф этиш ва тизимнинг барқарор ишлашини тиклаш устида фаол ишламоқда”, — дейилади компания баёнотида.

Эслатиб ўтамиз, яқинда UZCARD ярим йилда қарийб 622 млрд сўм соф фойда олгани ҳақида ёзган эдик.