Тимофей Смирнов Yangi Bank бошқаруви раиси этиб тайинланди

21.07.2025 09:03

293

Жорий йил 30 июнь куни Yangi Bank акциядорлари Тимофей Валентинович Смирновни банк бошқаруви раиси этиб сайлаш бўйича қарор қабул қилди. Т.Смирнов шу кунга қадар SEG Enera бош директори лавозимида ишлаб келаётган эди, шунингдек банк Кузатув кенгаши аъзоси ҳисобланади.

^{Фото: SEG Enera}

SEG Enera бош директори Тимофей Смирнов хусусий “Yangi Bank” бошқаруви раиси этиб тайинланди. Бу ҳақда Корпоратив ахборот ягона порталида маълумот берилди.

30 июнь куни банк акциядорларининг йиллик умумий йиғилишида қабул қилинган қарорга кўра, Смирнов ушбу лавозимга уч йил муддатга тасдиқланган. Номзод Марказий банк томонидан тасдиқланганидан сўнг расман бу лавозимни эгаллайди.

Смирнов “Yangi Bank” Кузатув кенгаши аъзоси ҳисобланади. У, шунингдек, Belvor Holding Cо. HK Limited (100%) ва Бахтиёр Фазилов таъсисчилари бўлган “Sanoat Energetika Guruhi Enera” (SEG Enera) компаниясига раҳбарлик қилади.

Эслатиб ўтамиз, феврал ойидан Татяна Асмаковец вақтинчалик “Yangi Bank” бошқаруви раиси вазифасини бажарувчи этиб тайинланган эди. У Uzum Bank’га кўчиб ўтган Светлана Хе ўрнини эгаллаган.

Теглар:

#тайинлов#Yangi_bank

Улашиш:

Янгиликларни Телеграм каналимизда кузатиб боринг