TBC Digital холдинг компанияси қиймати 1000 сўмлик 4 млн 19 минг дона оддий акцияларни сотувга чиқаради. Бу ҳақда Корпоратив ахборот порталида маълумот берилди.

Акцияларнинг жами қиймати 4 трлн 19 млрд сўмдан зиёдроқни ташкил қилади. Акциялар 15 май куни давлат рўйхатидан ўтказилган бўлиб, ёпиқ усулда жойлаштирилиши белгиланган.

Маълумот учун, 2025 йилнинг март ойида ТBС Bank Group PLC Европа тикланиш ва тараққиёт банки (EТТБ) ва Халқаро молия корпорацияси (ХМК) билан Ўзбекистонда ягона бошқарув компанияси – TBC Digital остида бирлаштириш бўйича келишувга эришган эди. Янги компания республикада рўйхатдан ўтган ва ТBС Узбекистан экотизимида ТBС Group бизнесини, шу жумладан payme компаниясини бошқаради. Унинг бош директори этиб Ника Курдиани тайинланганди.

Эслатиб ўтамиз, TBC Bank Uzbekistan 2024 йилнинг охирида 128 млрд сўмлик облигацияларни ёпиқ обуна орқали сотувга чиқарган эди.