Жорий йилнинг январь-февраль ойларида онлайн кредит расмийлаштириш жараёнида "48 соатлик қўшимча тасдиқ"дан ўтмаган 316,1 млрд сўмлик кредитлар расмийлаштирилишининг олди олинди. Бу ҳақда Марказий банк хабар берди.
Хабарга кўра, ўтган икки ой мобайнида фуқароларга жами 10 трлн сўм онлайн кредитлар ажратилган. Мазкур кредитларнинг 316,1 млрд сўм (январь ойида 115,5 млрд сўм, февраль ойида 200,6 млрд сўм) миқдоридаги қисми фуқаролар кредит олишга аризани фирибгарлар таъсирида берганлиги, кейинги 48 соат давомида қўшимча тасдиқдан ўтмаганликлари ҳамда кредит маблағлари сарфланмаганлиги сабабли, маблағлаб кредит ташкилотлари ҳисобига қайтарилган.
Инфографика: Марказий банк
"Бугунги кунда вақтинчалик тартибда белгиланган талабларга мувофиқ, 11 та тижорат банки ҳамда 1 та микромолия ташкилоти мобил иловалари орқали фуқароларга онлайн кредит ажратиш йўлга қўйилган".
Эслатиб ўтамиз, 2024 йил 1 ноябрдан фирибгарлик ҳолатларини бартараф этиш мақсадида жисмоний шахсларга онлайн кредит (микроқарз) ажратишда Марказий банк томонидан вақтинчалик тартиб жорий қилинган эди.
Сўнгги янгиликлар