Охирги вақтларда тадбиркорлар орасида HUMO терминаллари бошқа бир ягона терминал ускунасига ўзгартирилиши важи билан, ушбу терминалларни банкга топширилиши ва ўрнига бошқа терминал олиш лозимлиги ҳақидаги асоссиз хабарлар тарқалмоқда.

Хусусан, бу савдо ва хизмат кўрсатиш нуқталаридан HUMO терминалларини олиб банкга топширилишига олиб келаётганлиги бўйича тўлов тизимининг алоқа марказига турли мурожаатлар ҳам келиб тушган.

"Миллий банклараро процессинг маркази" АЖ юқоридаги хабарлар асоссиз ва ҳақиқатга тўғри келмаслигини маълум қилди.

Тўлов тизимнинг барча ускуналари, шу жумладан терминаллари одатий режимда ишламоқда ва уларнинг фаолиятида ҳеч қандай ўзгариш кўзда тутилмаган, дейилади HUMO хабарида.

Эслатиб ўтамиз, аввалроқ Paynet компанияси HUMO тўлов тизимини 65 млн АҚШ долларига сотиб олгани ҳақида хабар берилганди.