Навоий вилоятининг Нурота туманида корхона раҳбарлари 1 млрд. сўмга яқин кредит маблағларини талон-торож қилган ҳолати аниқланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.
Хабарга кўра, “M.N.” ва “E.N.” МЧЖ раҳбари М.Ж. ҳудудий тижорат банки филиали собиқ раҳбари А.Х. ва бошқалар ўзаро тил бириктириб, ушбу МЧЖларга айланма маблағларни тўлдириш мақсадида ажратилган жами 940 млн. сўм кредит маблағини ўзлаштириш йўли билан талон-торож қилган, шунингдек “E.-s.” МЧЖ раҳбарининг хабардорлигисиз 150 млн. сўмни “M.N.” МЧЖга кредит қарзини тўлаш мақсадида молиявий ёрдам кўринишида ўтказган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 209-моддаси (мансаб сохтакорлиги) билан жиноят иши қўзғатилиб, тергов ҳаракатлари ўтказилмоқда.
Тасодифий хабарлар
Ўзсаноатқурилишбанк ҳам эски турдаги VISA карталарга хизмат кўрсатишни тўхтатади
Туронбанк Савдони Молиялаштириш Халқаро Ислом корпорацияси билан 10 млн долларлик янги шартнома имзолади
Россиянинг Қозоғистондаги учта банки шўъбаларининг 21,6 млн доллар маблағлари музлатилди