Агробанк ва унинг лойиҳалари Tashkent Advertising Festival'да бир нечта номинация бўйича ғолиб бўлди

"Агробанк" акциядорлик тижорат банки ҳамда банкка тегишли бир нечта лойиҳалар ўтган ҳафта якунида (21-23 октябрь кунлари) Тошкентда бўлиб ўтган реклама ва маркетинг фестивали — Tashkent Advertising Festival (TAF!22) тадбирида қатор номинациялар бўйича ғолиб деб топилди.

Хусусан, маркетинг ҳамжамиятининг халқаро экспертлари томонидан учта номинацияда Агробанкка энг юқори "Гран При" ва "Платинум" мукофотлари тақдим этилди:

• "Rebrending" лойиҳаси;
• "Йилнинг энг яхши реклама лойиҳаси" — Бренд-манифест (Гран-при соврини);
• "Бир каналли коммуникация" — Бренд-манифест.

Шунингдек, истеъмолчиларнинг танловига кўра Агробанкнинг қуйидаги лойиҳалари "Олтин" мукофотига муносиб деб топилди:

• "Digital" номинациясида "Agrozamin.O‘zimizniki" лойиҳаси;
• "Integrated" номинациясида Агробанк кредит картаси;
• "Community" номинациясида "Фермерлар мактаби" лойиҳаси.

Bankers.uz жамоаси "Агробанк" АТБ ни ушбу эътирофлар билан табриклайди.