Иллюстратив фото
"Ўзагроэкспортбанк" акциядорлик-тижорат банки "ёпиқ қарор" асосида хусусийлаштирилган бўлиши мумкин. Бу ҳақда иқтисодчи Отабек Бакиров ўз телеграм каналида маълум қилмоқда.
Айтилишича, 2017 йилда ташкил этилган Ўзагроэкспортбанк ташқи олигархия билан аффилланган компаниялардан бирига ёпиқ қарор билан сотилмоқда. Компания номи, у билан аффилланган шахслар ва битим шартлари ва суммаси очиқланмаган.
"Фақат нима учун ҳукумат сотувга қўйилган давлат банкларидан бирини шаффоф бўлмаган воситалар ва механизмлар орқали, яна ёпиқ қарор билан реализация қилаётгани тушунарсиз." - деган Отабек Бакиров.
Банкни сотиб олаётган корхона мулкчилик шакли МЧЖ бўлиб, унинг устав капитали 6 миллион сўм эканлиги ҳам айтилган.
Bankers.uz вазиятга ойдинлик киритиш мақсадида, Давлат активларини бошқариш агентлиги билан боғланди. Агентлик масъул ходими вазият бўйича ахборот тақдим этишини маълум қилди.
Эслатиб ўтамиз, жорий йилнинг 23 февраль куни "Ўзагроэкспортбанк" АТБдаги давлат улуши Россиянинг Совкомбанкига 4 млн. долларга сотилгани маълум бўлган эди. Кейинчалик Россия-Украина уруши ортидан Совкомбанк ғарб санкцияларига тушган ва ёзга келиб, рус банки Ўзагроэкспортбанкни сотиб олиш бўйича битимни бекор қилгани ҳақида хабар берган эдик.
Тасодифий хабарлар
Юридик шахслар ҳам банк ҳисобварақларини масофадан очиш имкониятига эга бўладилар
Бош офис учун янги бино сотиб олишимизнинг сабаблари бор — Микрокредитбанк раисининг биринчи ўринбосари
Туронбанк айрим чакана кредитлар ажратишни вақтинча тўхтатганини маълум қилди