Сўнгги икки ой давомида АТ "Алоқабанк" ҳамда Bankers.uz жамоаси ҳамкорликда ташкиллаштирган "AloqaBrains" интеллектуал ўйинларининг финал босқичи бўлиб ўтди. Аввал хабар берганимиздек, ўйинлар дастлаб банкнинг барча ҳудудлардаги инфратузилмаларида, саралаш босқичлари шаклида ташкиллаштирилди. Ушбу ўйинларда 140 га яқин жамоалар, 800 дан ортиқ банк ходимлари қатнашдилар.

^{Фото: Алоқабанк}

Жорий йилнинг 15 октябрь куни ─ АТ "Алоқабанк" ташкил топганига 27 йиллиги муносабати билан "AloqaBrains" интеллектуал ўйинларининг финал баҳси ўтказилди. Финалда худудий босқичларда ғолиб бўлган 30 та жамоа иштирок этди.

^{Фото: Алоқабанк}

Қизғин баҳсларга бой бўлган финал ўйинида Алоқабанкнинг Миробод ҲКХКМ ходимларидан тузилган "Лидер" жамоаси ғолиб бўлди. Ғолиб жамоага 42 млн сўм пул мукофоти топширилди.

^{Фото: Алоқабанк}

Шунингдек, 2-ўрин "Гудвил" (Андижон ҲКХКМ) жамоасига насиб этди ва жамоа 30 млн сўмни қўлга киритди. Бухоро ҲКХКМнинг "Юксалиш" жамоаси эса 3-ўрин ва 18 млн сўм мукофот пули билан тақдирланди.

^{Фото: Алоқабанк}

Кўтаринки кайфиятда ўтган бу каби тадбирлар барча иштирокчилар учун катта хурсандчиликни туҳфа этиб, уларни янги марралар сари илҳомлантиради.