Навоийнинг Навбаҳор туманидаги Туронбанк филиали ходимлари банкоматга кирим қилиш учун ажратилган маблағнинг қарийб 100 млн сўмини ўзлаштиргани айтилмоқда. Бу ҳақда Ўзбекистон Бош прокуратураси қошидаги Иқтисодий жиноятларга қарши курашиш департаменти хабар берди.
Маълум қилинишича, Бош прокуратура ҳузуридаги департаментнинг Навоий вилоят бошқармаси томонидан "Туронбанк" АТБ Навоий филиалининг мурожаатига асосан терговга қадар текширув ўтказилган. Текширувда банкнинг Навбаҳор банк хизматлари офиси масъул ходимлари банкоматга кирим қилиш учун ажратилган 336 млн сўмни ўзлаштириш йўли билан талон-торож қилган, шунингдек, ушбу банкомат кассетасидан 98,8 млн сўмни ечиб олишиб, ўз эҳтиёжлари учун ишлатиб юборгани аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Тасодифий хабарлар
Туркистонбанкка бошқарув раиси ва унинг ўринбосарлари тайинланди
Президент раислигида макроиқтисодий барқарорликка бағишланган йиғилиш бўлиб ўтди
Олег Тиньков Кремл босими остида банкни "сариқ чақага" сотгани ҳақида гапирди