Марказий банк муомаладаги банк пластик карталари, терминаллар, банкомат ва инфокиосклар ҳамда 2022 йил январь-июнь ойлари давомида тўлов терминаллари орқали тушган тушумлар тўғрисида маълумотларни тақдим этди.
Ўзбекистон банклари томонидан муомалага чиқарилган пластик карталар сони жорий йилнинг 6 ойи давомида 2 млн. 836 минг донага кўпайиб, уларнинг жами сони 29 млн. 941 минг донага етди.
Муомаладаги банк карталари сони энг кўп Anorbank'да (+521 минг), Халқ банкида (+300 минг), Ипак Йўли банкида (+291 минг), Агробанкда (+223 минг) ва TBC Bank'да (+197 минг) ортган.
Терминаллар сони эса, унчалик жадал кўпаймаган (+1011 дона). Айрим банкларда масалан, Алоқабанк (+1100 та), Ўзмиллийбанк (+732 та), Универсалбанк (+622 та), Anorbank (+509 та), ИнФинбанк (+517 та) ва ЎзСҚБ (+417 та) да терминаллар сони сезиларли кўпайган бўлса, бир нечта банкларда аксинча, бир неча юз донага камайган. (Агробанк (-1274 та), Халқ банки (-1145 та), Туркистонбанк (-909 та), Савдогарбанк (-747 та), Hamkorbank (-731 та), Ипотека банк (-506 та).
Ўрнатилган банкомат ва инфокиосклар сонининг сезиларли кўпайиши Микрокредитбанкда (+243 дона), Халқ банкида (+167 дона), Агробанкда (+152 дона), Ўзмиллийбанкда (+69 дона) ва Tenge Bank'да (+65 дона) юз берган.
Тасодифий хабарлар
Микрокредитбанк Бошқарув раисига яна бир ўринбосар тайинланди
Европа Марказий банки асосий фоиз ставкасини рекорд даражада оширди
OTP Bank Ипотека банкни расман сотиб олди