Марказий банк жорий йил 1 июнь ҳолатига тижорат банкларининг кредит портфели ҳамда ундаги муаммоли кредитлар миқдори ва улуши тўғрисида маълумотларни тақдим қилди.
Маълумотларга кўра, май ойи якунлари бўйича тижорат банкларида кредит портфели ҳажми қарийб 5,0 трлн. сўмга ошган. Ушбу ўсиш асосан Агробанк (2,0 трлн. сўм), ЎзМиллийбанк (1,1 трлн. сўм) ҳиссасига тўғри келаган. Шунингдек, давлат улуши устувор бўлган Ипотека банк, Халқ банки, Қишлоқ қурилиш банк ва Микрокредитбанкларда жами ҳисобда 1,0 трлн. сўмга кредит портфели ошган. Асака банкда эса, аксинча, жами кредит қолдиғи 412 млрд. сўмга камайган.
Давлат улуши мавжуд бўлмаган банклардан Капиталбанкда (589 млрд. сўм), Ориент Финанс банкда (290 млрд. сўм) ҳамда Ипак Йўли банкида (100 млрд. сўм) кредит портфели ҳажми бошқа банкларга қараганда жадалроқ ўсган.
Муаммоли кредитлар ҳажми май ойи давомиа 198 млрд. сўмга кўпайган бўлса-да, жами кредит портфели ҳажмининг ўсиши, NPL улушининг деярли ўзгаришсиз қолишига замин яратган.
NPL май ойида йирик давлат банкларидан фақат Алоқа банкда (-42 млрд. сўм) ва ЎзСҚБда (-40 млрд. сўм) бироз камайган, бироқ бошқаларида ўсишда давом этган.
Тасодифий хабарлар
Ўзсаноатқурилишбанк ЕТТБнинг миллий валютада номиналланган кредит линиясини жалб қилади
Гарант банк жамоаси учун навбатдаги тимбилдинг ташкиллаштирилди
Россиянинг Сбербанки Ўзбекистонда товар белгиларини рўйхатдан ўтказмоқда
Хива шаҳри ва Пастдарғом туманида имтиёзли кредит маблағлари талон-торож қилингани айтилди
"Туронбанк-интеллект" ўйинларининг Қашқадарё ва Сурхондарё ҳудудий босқичи бўлиб ўтди