Ravnaq-bank Visa билан ҳамкорликда телефон рақами орқали карталарга пул ўтказмаларини йўлга қўйди

Ўзбекистонда картадан картага мобил илова орқали онлайн ўтказмаларни амалга ошириш бўйича глобал хизмат пайдо бўлди, бу пул ўтказиш жараёнини анча қулай ва хавфсиз қилади. Янги хизматдан фойдаланган ҳолда пул жўнатиш учун қабул қилувчининг телефон рақами ва фамилиясини билиш кифоя.

Хизматдан фойдаланганда мобил телефондаги контактлар рўйхатидан пул ўтказмасини олувчини танлаш ёки рақамни қўлда киритиш кифоя. Телефон рақами Ўзбекистон ёки МДҲ давлатларидан бирида рўйхатдан ўтган бўлиши мумкин. Бундай ҳолда, энди 16 хонали карта рақамини киритиш шарт эмас.

“Visa'дан халқаро мобил ўтказма хизмати Республикамизга кириб келди ва ўтказмаларини янада тез, қулай ва хавфсиз амалга ошириш имконини беради. RBK-Mobile технологик платформаси Ўзбекистонда ўзининг p2p ўтказмалари хизматини шундай глобал ечим билан тўлдирган биринчи банк бўлиш имконини берди”, — деди бошқарув раиси ўринбосари Бахтинур Нурмухамедов.

Хизматни RBK-Mobile мобил иловасида онлайн тарзда улаш мумкин, "Visa карталарига телефон рақами бўйича пул ўтказмаларини қабул қилишни созлаш" опцияси аллақачон акс эттирилган. Бунинг учун картани мобил телефон рақамига "боғлаш" керак, холос. Рақамга фақат битта Visa тўлов картасини қўшиш мумкин, аммо керак бўлганда уни исталган вақтда бошқасига алмаштириш мумкин. Созламаларни амалга оширгандан сўнг, қабул қилувчи жўнатувчига тегишли телефон рақамини хабар қилиш кифоя.

Ravnaq-bank'дан RBK-Mobile мобил иловасида пул ўтказмасини амалга ошириш қуйидаги босқичларда амалга оширилади:

• Пул ўтказмалари бўлимини топиш;
• "Телефон рақами бўйича" ўтказмани танлаш;
• Халқаро форматда телефон рақамини киритиш ёки контактлар рўйхатидан қабул қилувчини танлаш;
• Олувчининг фамилиясини, ўтказма суммасини киритиш ва операцияни тасдиқлаш.

Муҳим шарт: пул ўтказмасини олиш учун олувчининг картаси Visa хизматида рўйхатдан ўтган бўлиши керак.

"Ўзбекистонда нақд пулсиз иқтисодиёт жуда катта тезликда ривожланмоқда. Сўнгги йилларда мамлакат рақамлаштиришнинг сезиларли даражасига эришди, бу одатда бошқа давлатлар учун ўнлаб йиллар давом этади. Биз ушбу жараённинг бир қисми бўлганимиздан хурсандмиз ва бугун биз Visa карта эгаларига Ўзбекистонда мобил телефон рақамидан фойдаланган ҳолда картадан картага пул ўтказиш бўйича мамлакатдаги биринчи хизматни тақдим этамиз. Ишончим комилки, бу ечим транзакциялар хавфсизлигини таъминлаш билан бирга, маблағларни ўтказиш жараёнини соддалаштиришга ёрдам беради”, — деб изоҳ берди Visa вице-президенти, Марказий Осиё ва Озарбайжон бўйича минтақавий менежери Кристина Дорош. 

Хизматнинг кенг имкониятлари пул ўтказмаларини нафақат сўм ва долларда амалга ошириш имконини беради: бошқа валюталарда чиқарилган карталар ўртасида ҳам пул ўтказиш мумкин – сумма автоматик равишда конвертация қилинади. Пул ўтказмалари онлайн режимда амалга оширилади ва пул олувчи банкда чекловлар бўлмаганда дарҳол қабул қилинади.

Телефон рақами бўйича тўловни амалга ошириш учун RBK-Mobile иловасида Visa картаси бўлиши кифоя.

Батафсил маълумот: Телеграм орқали @ravnaqbanksupport