Ўзмиллийбанк LED-экранларга реклама жойлаштириш учун 1 млрд. сўмлик танлов ўтказмоқда

Ўзмиллийбанк видеоматериалларини Ўзбекистон бўйлаб LED-экранларга жойлаштириб бериш хизматини кўрсатувчи ташкилотлар ўртасида танлов ўтказмоқда. 

Фото: Акбарали Мансур/Bankers.uz

Ушбу хизмат учун 1 млрд. сўмдан зиёд маблағ ажратиш кўзда тутилган. Ушбу нарх саккиз ой учун мўлжалланган. Ушбу хизматни амалга ошириш учун таклиф бериш муддати etender.uzex.uz сайтида эълон қилинган кундан бошлаб 7 кунни ташкил қилади. Танлов 27 май куни бошланган бўлиб, 3 июлга қадар давом этади.

Хизмат кўрсатувчи ташкилот Тошкент шаҳридаги 10 та ва вилоятлардаги 13 та LED-экранларда банкнинг реклама-ахборот материалларини жойлаштириб бериши лозим.

Танловда иштирок этувчи ташкилотлар юридик шахс мақомига эга бўлиши, фаолият тури LED-экранларда видеоматериалларни жойлаштириб бериш бўйича хизмат кўрсатиш билан шуғулланувчи бўлиши, иштирокчининг иш тажрибаси 5 йилдан кам бўлмаслиги лозим.

Танлов бўйича батафсил маълумот техник топшириқда кўрсатиб ўтилган.

Эслатиб ўтамиз, АТ “Алоқабанк” чакана хизматларини ҳамда банкнинг "Zoomrad" иловасини аҳоли орасида тарғибот қилиш ишларини LED-экранларда жойлаштириб бериш хизматини кўрсатувчи ташкилотлар ўртасида 2 млрд. сўмлик танлов ўтказганди.