АТ \"Халқ банк\" Бошқарув раиси Фарҳод Саламов оммавий ахборот воситалари вакиллари ва блогерлар билан учрашди. Учрашувда Bankers.uz нашри вакили ҳам қатнашди. ;

Мулоқот давомида банкда амалга оширилаётган янгиликлар тўғрисида сўз юритилди. ;

— Аввало, барчангизни ўтган касб байрамингиз билан қутлайман, — деди Ф.Саломов, — жамоамиз катта карвон — 12 мингдан зиёд ходим ишлайди. Ютуқларимиз билан бирга, камчиликларимиз ҳам бор. Сизларнинг саъй-ҳаракатлариниз билан ана шу масалаларни қисқа муддатда ҳал этишимизга ишонамиз. ;

— Халқ банки мамлакатиздаги энг қадимий молия муассасаси, — дейди учрашувда сўзга чиққан Ўзбекистон Журналистлари ижодий уюшмаси раиси Олимжон Ўсаров, — бу ерда кейинги йилларда амалга оширилган янгиланишлар чиндан ҳам катта. Хизмат тақозоси билан чекка ва олис туманларда кўп бўламан. Ўша ҳудудлардаги Халқ банки филилалларига кириб, мижозларга яратилган шарт-шароитлар, ходимларнинг уларга муносабати ва муомаласидан қувонаман. Бир пайтлар хориждан валюта харид қилиш ёки пулни нақдлаштириш учун юртдошларимиз қанча машаққат чекканини эслашнинг ўзи оғир. ;

Учрашувда журналист ва блогерлар ўзларини қизиқтирган саволларни беришди.