Фото: Яндекс Дзен
UZCARD Ўзбекистон Республикасида венчур капитал бозорини ривожлантириш мақсадида Sber500 акселератори билан ҳамкорлик шартномаси тузди. Бу ҳақда компания матбуот хизмати хабар бермоқда.
Келишув доирасида томонлар стартап экотизимини ривожлантириш бўйича қўшма ташаббусларни амалга ошириш ва мамлакатга венчур капитал қўйилмаларини жалб қилишга кўмаклашишга келишиб олдилар.
Шунингдек, Ўзбекистон стартаплари учун Sber томонидан 500 Global (Америка венчур компанияси ва фонди) билан биргаликда ўтказилаётган Sber500 халқаро акселераторининг тўртинчи тўлқинига ариза топшириш муддати 14 февралгача узайтирилди.
Sber500 халқаро акселраторида иштирок этиш - бу Sber экотизимида ва умуман Россия бозорида тажрибани ишга тушириш ва ечимни кенгайтириш, бутун дунёдаги менторлардан тажриба орттириш ва Fort Ross Ventures (АҚШ) ва UZCARD Ventures корпоратив венчур фонди каби фондлардан инвестицияларни жалб қилиш имконини беради.
Акселерация дастури 10 ҳафтага мўлжалланган ва гибрид форматда ўтказилади: 500 та стартап учун боотсамп ва 50 та стартап учун Growth Hacking босқичи онлайн тарзда ўтказилади ва якуний босқич Москвада офлайн форматда 500 та глобал менторлар билан индивидуал ишларни ўз ичига олади.
Олдинги учта тўлқиннинг битирувчилари аллақачон 10 миллион доллардан ортиқ маблағ тўплашди ва Сбербанк ва акселератор ҳамкорлари билан 2000 дан ортиқ шартномалар имзоладилар.
Акселерация дастурида иштирок этиш бепул. Қатнашиш учун ушбу ҳаволага кириш талаб этилади.
Тасодифий хабарлар
Тошкент ва Сурхондарёда қарийб 1,4 млрд сўмлик кредит маблағлари талон-торож қилингани айтилди
Жиззахда имтиёзли кредит олиб беришни ваъда қилган солиқ инспектори ушланди
Ўзсаноатқурилишбанкни хусусийлаштириш жараёнига ОТБ ва ЕТТБ ҳам жалб қилинмоқда