Сурхондарё вилояти Бойсун туманида фермер хўжалиги раҳбари 900 млн сўм кредит маблағини ўзлаштирган. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.
Департаментнинг Бойсун туман бўлими томонидан ўтказилган терговга қадар текширувда, "Б.Т." фермер хўжалиги раҳбари Р.Б. хўжаликка наслли чорва моллари сотиб олиш учун банк муассасасидан ажратилган 900 млн. сўм кредит маблағини белгиланган мақсадларда сарфламасдан нақдлаштириш орқали талон-торож қилганлиги аниқланган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) ва 189-моддаси (савдо ёки хизмат кўрсатиш қоидаларини бузиш) билан жиноят иши қўзғатилиб, тергов ҳаракатлари ўтказилмоқда.
Аввалроқ, Тошкентда Ғазначилик бошқармаси ходими микроқарз ёрдамида 212 млн. сўм кредит маблағларини талон-торож қилгани хабар қилинган эди.
Тасодифий хабарлар
Марказий банкнинг Андижон вилояти бош бошқармаси бошлиғи тайинланди
Ўзсаноатқурилишбанкка коррупцияга муросасизлик сертификати топширилди
Ўзмиллийбанк "Lotte City Hotel Tashkent Palace" меҳмонхонасини тасарруфидан чиқарди
Агробанк ва Инновацион ривожланиш вазирлиги ўртасида меморандум имзолади
Тижорат банкларида муаммоли кредитлар улуши ортишда давом этмоқда. Айримларида аҳвол аянчли