Фото: Бош прокуратура матбуот хизмати
Тошкент шаҳар Бектемир туманида 11 нафар ходимнинг номига улардан хабарсиз 212 миллион сўм микроқарз ажратилишига эришиб, кредит маблағларини ўзининг шахсий эҳтиёжлари учун сарфлаб, талон-торож қилган шахс аниқланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар бермоқда.
Департаментнинг Бектемир туман бўлимига кўра, фуқаро С.Э 2018-2021 йилларда Тошкент шаҳри бўйича Ғазначилик бошқармасида турли лавозимларда ишлаган даврида 2 тижорат банкидан 11 нафар ходим номига кредит расмийлаштирган. Хабарда тижорат банклари номи келтирилмаган.
Мазкур ҳолат юзасидан Жиноят кодексининг 167-моддаси (ўзлаштириш ёки растрата йўли билан талон-торож қилиш) билан жиноят иши қўзғатилиб, тергов ҳаракатлари ўтказилмоқда.
Тасодифий хабарлар
Трастбанкнинг "Хоразм" банк хизматлари маркази янги бинода иш бошлади
Навоийда банк ходимлари банкоматдан пулларни ўмаргани аниқланди
2023 йилда Ўзсаноатқурилишбанк капиталига 125 миллион доллар, Асакабанкка 100 миллион доллар маблағ жалб қилинади