Айни пайтда Ўзбекистон Республикаси Марказий банки Бошқарувининг асосий ставкани кўриб чиқиш бўйича йиғилиши ўтказилмоқда.

Йиғилишда ҳозирда амалда бўлган 14 фоизлик асосий ставка ўзгаришсиз қолдирилди.

Эслатиб ўтамиз, асосий ставка охирги марта 2020 йил 10 сентябрда бир бандга — 15 дан 14 фоизга пасайтирилган эди.

Бугун, 20 январь куни соат 14:00 да Ўзбекистон Республикаси Марказий банки биносида асосий ставкани кўриб чиқиш бўйича Бошқарув йиғилиши қарори юзасидан Марказий банк Раиси иштирокида матбуот анжумани ўтказилиши ҳам режалаштирилган.

Анжуман UzReport телеканали орқали жонли эфирда намойиш этилади.