Жамшидбек Алиев, фото: Наманган вилоят ҳокимлиги матбуот хизмати
Марказий банк бошқаруви раисининг буйруғига биноан Жамшидбек Азизович Алиев Ўзбекистон Республикаси Марказий банки Наманган вилояти бош бошқармаси бошлиғи этиб тайинланди. Бу ҳақда Наманган вилояти ҳокимлиги ахборот хизмати хабар бермоқда.
Жамшидбек Алиев 1978 йилда Фарғона вилоятининг Қўқон шаҳрида туғилган. Маълумоти олий, Андижон муҳандислик-иқтисодиёт институти ва Ўзбекистон Республикаси Президенти ҳузуридаги Давлат ва жамият қурилиши академиясини тамомлаган.
Меҳнат фаолиятини 1995 йилда ихтисослаштирилган акциядорлик тижорат "Пахта банк"ида бошлаган. Жамшидбек Алиев ҳозирги вақтга қадар "Агробанк" акциядорлик тижорат банкининг Ички аудит департаменти директори лавозимида ишлаб келаётган эди.
Вилоят бош бошқармасининг (2019 йил май ойидан бери ишлаб келаётган) аввалги бошлиғи Ғ.Воҳидовнинг қайси ишга ўтганлиги ҳақида хабар берилмаган.
Тасодифий хабарлар
ANORBANK бир нечта банк офисларига ходимларни ишга таклиф қилмоқда
Ўзбекистон олтин-валюта захиралари $180 млнга кўпайди
Ўзбекистонда ипотека қимматли қоғозлари эмиссия қилинади. Бу нимани англатади?
Совуқ ҳаво шароитида ташқарида ўрнатилган банкоматлардан фойдаланмаслик тавсия этилмоқда
UZCARD таъсисчилари таркибида ўзгариш рўй берди