APEX BANK «Bluestone Financial Group Inc» МЧЖ ҚК ҳамда «Portfolio Investments» МЧЖдан иборат андеррайтерлар консорциуми билан андеррайтинг шартномасини имзолади. Мазкур ҳужжат Банкнинг режалаштирилаётган корпоратив облигацияларини чиқаришни ташкил этиш ва давлат рўйхатидан ўтказилгандан сўнг уларни жойлаштиришни назарда тутади.

^{Фото: Apex Bank}

Ушбу ҳамкорлик APEX BANK тажрибаси ва капитал бозори иштирокчиларининг касбий билим ҳамда кўникмаларини ўзаро бирлаштиради. Шартнома доирасида банк ва андеррайтерлар консорциуми облигациялар чиқаришни тайёрлаш ҳамда қонунчилик талабларига мувофиқ зарур тартиб-таомиллардан ўтиш бўйича биргаликда иш олиб боради.

^{Фото: Apex Bank}

Банк режалаштирилаётган корпоратив облигациялар чиқарилишини капитал бозори орқали маблағ жалб этиш воситаларидан бири сифатида кўриб чиқмоқда. Ҳозирги босқичда битим ва зарур ҳужжатларни тайёрлаш ишлари олиб борилмоқда.

^{Фото: Apex Bank}

Режалаштирилаётган чиқарилиш давлат рўйхатидан ўтказилгач, унинг асосий параметрлари қонунчиликда белгиланган тартибда қўшимча равишда эълон қилинади.

Телефон: 1881

Сайт: apexbank.uz

Instagram: @apexbank.uz

Linkedin: APEX BANK