Мустақиллик байрами муносабати билан ўзбекистонликлар камида кетма-кет уч кун дам олади. 1 сентябрь — Ўзбекистон мустақиллиги куни 2026 йилда сешанба кунига тўғри келиши муносабати билан 31 август (душанба) куни иш ҳафтасининг туридан қатъи назар барча ходимлар учун қўшимча дам олиш куни бўлади. Бу Президентнинг 2026 йилда қўшимча дам олиш кунларини белгилаш бўйича фармонида кўрсатиб ўтилган.

Шундай қилиб, Мустақиллик байрамида дам олиш кунлари кетма-кетлиги қуйидагича бўлади:

• 29 август, шанба — беш кунлик иш ҳафтасидагилар учун одатий дам олиш куни, олти кунлик иш ҳафтасидагилар учун эса одатий иш куни;
• 30 август, якшанба — барча учун одатий дам олиш куни;
• 31 август, душанба — барча учун қўшимча дам олиш куни;
• 1 сентябрь, сешанба — Мустақиллик куни, ишланмайдиган байрам куни.

^{Иллюстрация: Мустақиллик байрами арафасидаги дам олиш кунлари / Claude AI}

Юқоридагиларга кўра, иш кунидан қатъий назар, барча ўзбекистонликлар Мустақиллик байрами муносабати билан кетма-кет икки кун, шунингдек одатий дам олиш кунларини ҳисобга олганда жами уч ёки тўрт кун дам олишади. 2 сентябрь, чоршанбадан одатдаги иш тартиби давом этади.

Эслатиб ўтамиз, Меҳнат кодексининг 187-моддасига биноан, ишланмайдиган байрам кунлари арафасида ҳар кунлик ишнинг (сменанинг) давомийлиги барча ходимлар учун камида 1 соатга қисқартирилади.