Ipoteka bank OTP Group Тошкент халқаро инвестиция форуми — TIIF 2026’нинг олтин ҳомийси сифатида Ўзбекистонда бизнес ва инвестиция имкониятларини кенгайтиришга ҳисса қўшмоқда. Банк компанияларга молиялаштиришга эришиш, маҳаллий бозорни ўзлаштириш ҳамда Марказий Осиёнинг энг жадал ривожланаётган иқтисодий сегментларида муваффақиятли ва узоқ муддатли ҳамкорлик алоқаларини йўлга қўйишда кўмаклашади.

Ipoteka bank OTP Group TIIF 2026 форумининг олтин ҳомийси сифатида Марказий Осиёдаги йирик бизнес ҳамжамияти, халқаро инвесторлар, молия институтлари ҳамда давлат вакилларини бир майдонда жамламоқда.

TIIF 2026 нафақат юқори даражадаги мулоқот ва музокаралар майдони, балки Ўзбекистоннинг жадал ривожланаётган бозорини ўрганаётган компаниялар учун амалий ҳамкорлик платформаси сифатида ҳам хизмат қилади. Форум инвестицион салоҳият, саноат ҳамкорлиги, инфратузилмани ривожлантириш, рақамли трансформация ҳамда “яшил” иқтисодиётга ўтиш каби минтақада фаолиятини кенгайтириш ва барқарор ўсишга эришишни мақсад қилган компаниялар учун устувор йўналишларга қаратилган.

Ipoteka bank OTP Group’нинг олтин ҳомий сифатидаги иштироки халқаро инвесторлар, маҳаллий бизнес вакиллари ва молиявий ҳамкорлар ўртасидаги мулоқот ҳамда ҳамкорликни рағбатлантириш орқали ушбу экотизимни янада мустаҳкамлашга хизмат қилади. Мазкур платформани қўллаб-қувватлаш орқали Банк компаниялар янги шериклик алоқаларини ўрнатиши ва Ўзбекистондаги истиқболли ривожланиш имкониятларини ўрганиши мумкин бўлган очиқ, шаффоф ва жозибадор бизнес муҳитини шакллантиришга ўз ҳиссасини қўшади.

“TIIF 2026 — стратегик ғоялар амалий лойиҳаларга айланувчи муҳим платформадир. Форум ҳамкори сифатида ушбу нуфузли тадбирда iштирок этаётганимиз ва Ўзбекистоннинг янги иқтисодий кун тартибини шакллантиришга хизмат қилаётган ташаббусларни қўллаб-қувватлаётганимиздан мамнунмиз”, — деди Ipoteka bank OTP Group Бошқаруви раиси вазифасини бажарувчи Адам Сентпетери. Марказий ва Шарқий Европанинг етакчи мустақил молиявий гуруҳларидан бири бўлган OTP Group таркибида фаолият юритган ҳолда, биз маҳаллий бозор ҳақидаги чуқур билим ва тажрибамизни Европанинг илғор банк амалиёти билан уйғунлаштирамиз. Шу орқали ҳамкорларимиз билан биргаликда Ўзбекистон иқтисодиётининг барқарор ўсиши ва узоқ муддатли ривожланишига ҳисса қўшшга интиламиз”.

Ipoteka bank OTP Group турли иқтисодий миқёсидаги сегментлар — кичик ва ўрта бизнесдан тортиб, йирик корпоратив мижозларгача барча молиявий ечимларни тақдим этади. Банк хизматлари молиялаштириш, инвестиция лойиҳаларини қўллаб-қувватлаш, рақамли банк ечимлари ҳамда барқарор ривожланишга хизмат қилувчи маҳсулотларни ўз ичига олади.

Ушбу воқеа бизнес вакиллари учун маҳаллий бозор хусусиятларини чуқур биладиган ва айни пайтда халқаро миқёсда эътироф этилган стандартлар асосида фаолият юритадиган ишончли молиявий ҳамкорга эга бўлиш имкониятидир. Бундай ёндашув компанияларга бозор муҳитида самарали йўналиш топиш, зарур молиявий ресурсларни жалб этиш ҳамда Ўзбекистондаги бизнес режаларини муваффақиятли амалга оширишга кўмаклашади.

Банкнинг молиявий натижалари ушбу мавқени тасдиқлайди. 2026-йилнинг биринчи чораги якунларига кўра, Ipoteka bank OTP Group’нинг соф фойдаси 47,7 млн АҚШ долларини қайд этди. Ушбу кўрсаткич банк самарадорлигининг ошиб бораётгани, мижозлар учун ечимлар ривожланаётгани ва операцион барқарорлик мустаҳкамланаётганини ифодалайди.

Шу нуқтаи назардан, Ipoteka bank OTP Group Ўзбекистон бозорига кириш ёки мамлакатдаги фаолиятини кенгайтиришни режалаштираётган компаниялар учун ишончли ҳамкор сифатида намоён бўлади. Банк маҳаллий бозор ҳақидаги чуқур билим ва халқаро тажрибани уйғунлаштирган ҳолда, инвестицияларни рағбатлантириш, бизнес ташаббусларини қўллаб-қувватлаш ҳамда барқарор иқтисодий ўсишга хизмат қилувчи бизнес экотизимини ривожлантиришга кўмаклашади.

Ҳамкорлик асосида