"Hamkorbank" АТБ Кузатув кенгашининг 2026 йил 13 майдаги йиғилиш баёнига асосан, Ющак Рафал Марцин (Juszcak Rafal Marcin) мазкур банк бошқаруви раиси лавозимига тайинланди. Унинг расман лавозимга киришиши Ўзбекистон Республикаси Марказий банки томонидан номзод белгиланган тартибда келишилган санадан эътиборан амалга оширилади.

Рафал Ющак (Rafal Juszczak) польшалик мутахассис. Маълумоти олий, Гданск университети ҳамда Rouen Graduate School of Management'да банк ва молия йўналишида магистратурани тамомлаган.

Банк тизимидаги фаолиятини Societe Generale банкининг Польшадаги шўъбасида Ички аудит хизмати бошлиғи сифатида бошлаган.

Кейинчалик Полшадаги Bank Handlowy w Warszawie (Варшава тижорат банки), Citibank Poland, PKO Bank Polski каби банкларда раҳбар лавозимларида ишлаган. Бундан ташқари First Ukrainian International Bank (Украина), Prokom Investments (Польша), Getin Holding (Польша), Альфа-Банк (Беларусь), Sense Bank (Украина) каби минтақавий банк ва бошқа молия компаниялари топ-менежментида фаолият олиб борган.

^{Бахтиёржон Жўраев — банкнинг олдинги Бошқарув раиси / Фото: Банк-молия ва финтехдаги тайинловлар}

2021 йил апрель ойидан Hamkorbank бошқаруви раиси бўлиб ишлаган Бахтиёржон Жўраев бошқарув раиси ўринбосари сифатида фаолиятини давом эттиради.