2026 йил 11 май куни Алоқабанк 300 миллион АҚШ доллари миқдоридаги ўзининг илк еврооблигацияларини (XC3340633489) Лондон фонд биржасига жойлаштирганини маълум қилди. Облигациялар 5 йил муддатга, 2031 йилгача, йиллик 7,7 фоиз купон ставкаси билан чиқарилган.

Облигация эмиссиясига инвесторлар буюртмалари режалаштирилган суммадан қарийб тўрт баравар (ёки $1 млрддан) юқори бўлган. Бироқ, қимматли қоғозлар номинал қийматининг 98,985% миқдорида сотилган. Битимда Citibank, Mashreqbank, First Abu Dhabi Bank ҳамда Abu Dhabi Commercial Bank банк-андеррайтерлар сифатида иштирок этган.

GlobalCapital халқаро нашрининг маълумотларига кўра, банк инвесторларнинг кучли талабига қарамай, жойлаштириш давомида биринчи еврооблигациялар бўйича даромадлиликни 8% дан пастга туширган.

2026 йил 11 майда Fitch Ratings агентлиги Алоқабанкнинг режалаштирилган еврооблигациялар чиқарилишига кутилган кредит рейтингини берган эди. Облигациялар банкнинг бошқа шунга ўхшаш мажбуриятларига тенг устуворликка эга бўлган юқори даражадаги таъминланмаган мажбуриятлар сифатида таснифланган.

Агентлик таъкидлашича, "BB(EXP)" рейтинги Ўзбекистон томонидан банкни давлат томонидан қўллаб-қувватлаш эҳтимоли бўйича ўртача кутилган натижаларни акс эттиради.