Ipoteka bank OTP Group факторинг ва савдо молиялаштириш соҳасидаги таҳлил ва экспертизанинг етакчи манбаларидан бири бўлган нуфузли халқаро нашр — World Factoring Yearbook 2026'да ўз мақоласи чоп этилганини эълон қилади.

Нашр Ўзбекистонда факторинг бозори қисқа вақт ичида 400 фоиздан ортиқ ўсиб, 9,5 триллион сўм ҳажмга етганини акс эттиради. Бундай жадал ривожланиш изчил иқтисодий ислоҳотлар ҳамда давлатнинг стратегик ташаббуслари, жумладан, бизнесни молиялаштиришнинг муқобил воситаларини рағбатлантиришга қаратилган Ўзбекистон Республикаси Президентининг фармони туфайли амалга ошди.

Мақолада соҳанинг рақамли трансформациясига алоҳида эътибор қаратилган. Finmakon ва Ozplanet каби замонавий платформаларнинг жорий этилиши молиялаштириш жараёнларини сезиларли даражада тезлаштирди, операциялар шаффофлигини оширди ва бизнес учун ликвидликка кириш имкониятларини кенгайтирди.

Ipoteka bank OTP Group факторинг йўналишини фаол ривожлантириб, мижозларга замонавий молиявий ечимларни таклиф этмоқда, халқаро амалиётларни жорий қилмоқда ҳамда Ўзбекистонда савдо молиялаштириш бозорининг ривожланишини қўллаб-қувватламоқда.

Банкнинг халқаро факторинг ассоциацияси — FCI'га аъзолиги глобал молиявий ҳамжамиятга интеграциялашув йўлида муҳим қадам бўлди. Бу мижозлар учун янги имкониятларни очади, жумладан экспорт факторингидан фойдаланиш, хорижий бозорларга чиқиш ҳамда халқаро савдони молиялаштиришнинг ишончли воситаларидан фойдаланиш имконини беради.

Ipoteka bank OTP Group ўзбек бизнесининг халқаро бозорлардаги имкониятларини кенгайтиришга ҳисса қўшмоқда.

World Factoring Yearbook 2026'даги ушбу нашр Ўзбекистоннинг глобал факторинг харитасидаги ўрни тобора мустаҳкамланиб бораётганини тасдиқлайди ҳамда Ipoteka bank OTP Group'нинг мамлакат замонавий молиявий инфратузилмасини ривожлантиришдаги ҳиссасини таъкидлайди.

Facebook - ipotekabankofficial 

Instagram - ipotekabank.uz

LinkedIn - ipotekabankofficial

Telegram - ipotekabankofficial

YouTube - ipotekabankofficial

Ҳамкорлик асосида