"Uzum Bank" АЖ кузатув кенгашининг тегишли қарорига мувофиқ Василий Сергеевич Зобов ҳамда Амирхон Акрамович Ходжаевлар мазкур банк бошқаруви раиси ўринбосарлари этиб тайинланди. Амалдаги тартибларга мувофиқ, уларнинг номзодлари Марказий банк билан келишилган.

Василий Зобов 1986 йил туғилган. 2009 йилда Жаҳон иқтисодиёти ва дипломатия университетини "Ҳуқуқшунослик (халқаро ҳуқуқ)" мутахассислиги бўйича тамомлаган.

Меҳнат фаолиятини 2009 йилда, банк тизимидаги фаолиятини 2020 йилда “Капиталбанк” АТБда бошлаган. 2020 йилдан 2021 йилгача “Капиталбанк” АТБ Рақамли филиалининг юридик маслаҳатчиси сифатида фаолият юритган. 2021 йил ноябрь ойидан буён "Uzum Bank" АЖ юридик департаменти директори, бошқарув аъзоси сифатида ишла келаётган эди.

Амирхон Ходжаев 1988 йил туғилган. 2011 йил Тошкент Давлат Иқтисодиёт университитетини бакалавр босқичини, 2021 йилда Ўзбекистон Республикаси Банк-молия академиясини "Банк иши" йўналиши бўйича магистратура босқичини тамомлаган.

Меҳнат фаолияти давомида 2011-2022 йилларда "Hamkorbank" АТБ тизимида турли лавозимларда, 2022-2024 йилларда "TBC Bank" АТБда Ички назорат департаменти раҳбари сифатида, 2024-2025 йилларда — "Payme" (собиқ "Inspired" АЖ) бош директорининг рисклар ва AML (жиноий фаолиятдан олинган даромадларни легаллаштиришга қарши курашиш) бўйича ўринбосари лавозимида ишлаган. Лавозимга тайинлангунга қадар, 2025 йил апрель ойидан буён "Uzum Bank" АЖ Комплаенс назорат департаменти директори лавозимида фаолият юритган.