Аввал хабар берилганидек, Тошкентда МДҲ иштирокчи давлатларининг II Халқаро банк-молия форуми ўз ниҳоясига етди.

Мазкур форумда ўзаро манфаатли ишбилармонлик учрашувлари ташкил этилиб, банк соҳаси ҳамда молия бозорининг турли тармоқ вакиллари билан долзарб масалалар муҳокама қилинди. Ушбу форум доирасида "Микрокредитбанк" АТБ бир қатор халқаро анжуманлар, муҳокамалар, тақдимотларда иштирок этди.

Жумладан, "Микрокредитбанк" ҳамда "ТрансКапиталБанк" ОАЖ (Россия Федерацияси) ўртасида 30 млн евролик келишув имзоланди.

Мазкур келишувда маблағлар агросаноат ва иқтисодиётнинг бошқа тармоқ маҳсулотлари экспортини қўллаб-қувватлаш лойиҳаларини амалга оширишга йўналтириши кўзда тутилган.