Ўзбекистон Республикаси Президентининг расмий саналарни нишонлаш даврида қўшимча дам олиш кунларини белгилаш ва дам олиш кунларини кўчиришга оид ПФ-257-сон Фармони имзоланди. 

Унга мувофиқ, 1 январь — Янги йил байрами муносабати билан 5 иш кунида ишловчилар ва 6 иш кунида ишловчи ходимлар ҳам 5 кун дам олади.

31 декабрь (чоршанба) – қўшимча дам олиш куни;

1 январь (пайшанба) – Янги йил байрами;

2 январь (жума) – қўшимча дам олиш куни;

3 январь (шанба) – 5 иш кунида ишловчиларга одатий дам олиш куни, 6 иш кунида ишловчиларга қўшимча дам олиш куни; 

4 январь (якшанба) – барчага одатий дам олиш куни.

Эслатиб ўтамиз, юқоридаги фармон билан келгуси йилдаги бошқа байрамлар муносабати билан ҳам қўшимча дам олиш кунлари белгиланган.