"PHOENIX" компанияси Бизнесни ривожлантириш банкида операцион хавф-хатарларни бошқаришнинг автоматлаштирилган тизими (ОХБАТ)ни жорий этиш лойиҳасини амалга оширмоқда. Банк корпоратив ва чакана бизнес сегментида фаолият юритувчи, жадал ривожланаётган молия муассасаси ҳисобланади.

Лойиҳанинг зарурати

Бугунги кунда Ўзбекистон ва Россия хавфларни бошқариш тизимларини рақамлаштириш ва халқаро стандартлар интеграцияси бўйича ўхшаш тенденцияларга эга. Ҳар икки давлат Марказий банклари назоратни кучайтириб, хавфга йўналтирилган ёндашувларни жорий этмоқда.

Шунингдек, Ўзбекистон Марказий банки айни дамда Базель III ва ISO 31000 стандартларини татбиқ этиш босқичида.

Юқоридагилардан келиб чиқиб, банк ички жараёнлар шаффофлигини ошириш ва хавфларни минималлаштириш учун ОХБАТни жорий этиш ташаббуси билан чиқди.

Лойиҳанинг мақсадлари:

• Операцион рисклар (хавф-хатарлар) бўйича базани яратиш;
• Йўқотишлар ҳақидаги маълумотларни йиғиш ва улар таҳлилини автоматлаштириш;
• Услубий ҳужжатларни ишлаб чиқиш ва ходимларни ўқитиш;
• Бўлинмалараро ва функциялараро ҳамкорликни йўлга қўйиш.

Ушбу мақсадларга эришиш учун қуйидаги ишлар амалга оширилди:

Дастлабки босқичда бизнес-жараёнлар ва риск-менежментнинг етуклик даражаси диагностика қилинди. Сўнгра тайёр классификаторлар ва ҳодисаларни рўйхатга олиш тартибларига эга тизим созланди.

Ҳозирда тўғридан-тўғри йўқотишларни акс эттириш учун автоматлаштирилган банк тизими билан интеграция якунланмоқда. Бундан ташқари, масъул ходимлар учун тренинглар ўтказилди ва лойиҳадан кейинги қўллаб-қувватлаш режалаштирилди. Барча ички ҳужжатлар миллий регулятор талабларига мослаштирилди.

Эришилган натижалар

Банкда операцион хавфларни бошқариш жараёни ва йўқотиш манбаларини назорат қилиш тизими барқарор ишламоқда. Шунингдек, Базель III тамойиллари ва Марказий банк талаблари асосида услубий база шакллантирилди.

Қайд этиш керакки, ушбу лойиҳа Ўзбекистон банк секторида ОХБАТнинг илк комплекс татбиқ этилиш ҳолатларидан биридир.

"PHOENIX" компанияси вакилининг фикрича, "банк мазкур тизимни шунчаки расмиятчилик учун эмас, балки хавфларни минималлаштириш ва бизнес барқарорлигини ошириш учун тизимни жорий этди".

"ОХБАТ — бизнинг барқарорлигимизнинг стратегик элементидир. Биз хавфларга содир бўлгандан кейин эмас, балки уларни олдиндан аниқлашга имкон берувчи тизимни қуряпмиз", — деб таъкидлади Бизнесни ривожлантириш банки Рисклар бўйича бош директори Дурбек Ҳакимов.

Лойиҳа Ўзбекистон банк секторида ОХБАТнинг илк комплекс жорий этилишидан бири сифатида, соҳадаги бошқа иштирокчилар учун ҳам муҳим намуна бўлиб хизмат қилади.

Компания сайти: thephoenixsoft.com

Ҳамкорлик асосида