Фото: Асакабанк
"Асакабанк" АЖ ва "StoneX Group Inc" халқаро молия компанияси ўзаро ҳамкорлик битими тузди.
Асакабанк ва "StoneХ" ўртасидаги келишувга мувофиқ, ўзбек сўми 142 та халқаро валютадан иборат глобал портфелга киритилди ва эндиликда "StoneХ" мижозлари ўз тўлов платформаси орқали ундан фойдаланишлари мумкин.
Шу тариқа Асакабанк мамлакат ичкарисида бошқа давлатларнинг марказий банклари, глобал тижорат банклари, трансмиллий корпорациялар ва халқаро ҳукумат институтлари миллий валютада у орқали трансчегаравий тўловларни амалга оширадиган биринчи банк бўлди.
Бу, ўз навбатида, Ўзбекистон Республикаси миллий валютасининг халқаро молия бозоридаги нуфузини оширишга ёрдам беради.
Маълумот тариқасида, StoneX халқаро молиявий компанияси 1924 йилда ташкил этилган ва унинг бош қароргоҳи Нью-Йоркда жойлашган. У бутун дунё бўйлаб офисларига эга ва 350 дан ортиқ ҳамкор банклари билан ўз вакиллик банк тармоғига эга бўлган турли сегментларда халқаро маркетмейкер ҳисобланади.
Тасодифий хабарлар
"Ипак Йўли" банки Халқаро молия корпорацияси томонидан тақдирланди
Телеграм орқали фуқароларнинг пластик карталаридаги пулни ўзлаштириб келган шахслар қўлга олинди
Ўзсаноатқурилишбанкка тегишли 14 та актив сотилади
Ўзсаноатқурилишбанк Венгрия банклари билан ҳамкорликни кенгайтирмоқда
"Қишлоқ Қурилиш Банк" раҳбари блогерлар билан мулоқот қилди