"Ўзбекистон Республикаси ҳудудида банк карталарининг чиқарилиши ва муомалада бўлиши қоидалари тўғрисидаги низом"га ўзгартириш ва қўшимчалар (№3294-3, 11.11.2025) киритилди.

Унга кўра, янги турдаги карталар: бизнес карта ва ижтимоий банк картаси тушунчалари киритилмоқда.

• бизнес банк картаси – ўз сақловчисига, яъни якка тартибдаги тадбиркор ёки ўзини ўзи банд қилган шахсга карта ҳисобварағидаги пул маблағларини бошқариш имкониятини беради;
• ижтимоий банк картаси – ўз сақловчисига карта ҳисобварағидаги ижтимоий ва бошқа тўловлар орқали келиб тушган пул маблағларини бошқариш имкониятини беради.

Шунингдек, олдиндан банк карталарини эмиссия қилишга рухсат этилмоқда. Бунда олдиндан эмиссия қилинадиган шахсий банк карталарини активлаштириш эмитент томонидан ушбу картанинг сақловчисини ўрнатилган тартибда идентификация қилгандан сўнг амалга оширилади.

Бундан ташқари, янги низом билан 14 ёшдан 18 ёшгача бўлган вояга етмаган шахсларга ҳам карта очишга рухсат этилмоқда.

Ушбу ҳужжат эълон қилинган сана — 2025 йил 12 ноябрдан кучга кирди.